ഇന്ത്യയിലെ വൈദ്യുത ഉപകരണനിർമ്മാണരംഗത്തുള്ള ഒരു വലിയ കമ്പനിയാണ് വീ ഗാർഡ് ഇൻഡ‌സ്‌ട്രീസ്. 1977 -ൽ ഒരു ചെറിയ സ്റ്റബിലൈസർ നിർമ്മാണ യൂണിറ്റായി കൊച്ചൗസേഫ് ചിറ്റിലപ്പിള്ളി തുടങ്ങിയ ഈ സ്ഥാപനം ഇന്ന് വോൾട്ടേജ് സ്റ്റബിലൈസർ, വൈദ്യുത കേബിളുകൾ, വൈദ്യുത പമ്പുകൾ, വൈദ്യുത മോട്ടോറുകൾ, വാട്ടർ ഹീറ്ററുകൾ, സൗരോർജ്ജ വാട്ടർ ഹീറ്ററുകൾ, വൈദ്യുത പങ്കകൾ, യു.പി.എസ്. എന്നിവ നിർമ്മിക്കുന്നു. പുരുഷന്മാർക്കും സ്ത്രീകൾക്കും കുട്ടികൾക്കുമായി അടിവസ്ത്രങ്ങൾ നിർമ്മിക്കുന്ന ഇന്ത്യൻ നിർമ്മാതാക്കളായ വി സ്റ്റാർ ക്രിയേഷൻസ്, ദക്ഷിണേന്ത്യയിലെ അമ്യൂസ്‌മെന്റ് പാർക്കുകളുടെ ശൃംഖലയായ വണ്ടർല തുടങ്ങിയ അനുബന്ധ സ്ഥാപനങ്ങളായി കൊച്ചൗസേഫ് ചിറ്റിലപ്പിള്ളി സ്ഥാപിച്ചു. Wikipedia